يلا نحيى سنة الحبيب مع بعض ..عليه الصلاة و السلام

ده انتى منورة المنتدى ...ربنا يكرمك و يجمعنا على الخير دايما يااارب

الهدية جمييييييييييلة قوى ..أدخلتى السرور على قلبى ربنا يحبك ويسعدك ويرضى عنك ياااارب

هاه يا بناتيت...مين بدأ معايا ..أنا بدأت بفضل الله يوم الاربع...بس بصراحة نسيت أحيى السنة النهاردة

يلا ادخلو قولولى مين بدأ معايا عشان تشجعونى..

يااارب يملا قلوبنا بحب النبى صلى الله عليه وسلم..

والدعاء اللى اتعلمته من ام رحمة ربنا يرضى عنها..: يااارب نقسم عليك الا تميتنا وألا تخرجنا

من الدنيا الا بعد أن تقر أعيننا برؤية الحبيب صلى الله عليه وسلم


ادعولى كتييير بالله عليكو...محتاجة بجد لدعواتكو

جزاكي الله خيرا يا سها بس انا عندي مشكلة كل ما نوي اقرأ قران أكسل واستتقله وكذلك قيام الليل أو التهجد فأخذ ركعتين قيام بعد العشاء

حبيبتى ستارلايت ... أنا كتيير برده تيجيلى الحالة دى بس خييير إن شاء الله... بجد عليكى وعلى الدعااااء... بيحل كل شىء... ابكى لربنا بصدق ... قوليلو يااارب نفسى ... بس فى قيود مقيدانى... ياااارب فكها.. . اسمحلى أقف بين إيديك و أقرا كلامك... وخصصى ركعتين ف اليوم .. ممكن مع سنة العشاء مثلا .. ركعتين توبة... عشان ربنا يغفر لنا ذنوبنا اللى مقيدانا
وندعى لبعض بظهر الغيب ... اللى بتتمنيه ادعى بيه لغيرك من قلبك... ربنا يحققهولك بإذن الله ...
ربنا يفتح بينك وبينه وبين كتابه ... ويقر عينك بصلاة قيام الليل ويعجل لك بالفرج وتكونى من الذين يضحك إليهم ويحبهم ويستبشر بهم
ويرزقك تلاوة القرآن وتدبره آناء الليل و أطراف النهار على الوجه الذى يرضيه منك...ويجعلك من العاملين بالقرآن ياااااارب
ويغفر لك ويتوب عليكى ويقر عينك

آمييييييييييييييييين

أنا على يقييين إنو هيستجيييب... سبحانك ... ماكنت بدعائك ربى شقية أبدا ... بحبك ياااااارب

" إنما الأعمال بالنيات ... "

عايزين نرجع نفتكر النية قبل كل عمل بنعمله على قد منقدر... عشان متتحولش العبادات الى عادات... وعشان نحول الحاجات العادية اللى ف يومنا ( مش عبادات ) إلى عبادة ... فتبقى حياتنا كلها لله...

نفتكر مثلا قبل كل فرض بنصليه : إنو يااارب أنا هصلى الفرض ده دلوقتى لأنه ماتقرب إليك عبد بشئ أحب إليك مما افترضته عليه..
و إن الصلاة تنهى عن الفحشاء والمنكر
.... ونوايا تانية كتييير ممكن نحطها ونفكر بعض بيها

قبل منعمل أى سنة من السنن اللى بدأنا نحييها مع بعض نفتكر إنو : مازال عبدى يتقرب إلى بالنوافل حتى أحببته
ومن أحيا سنتى ...
وهكذا

ممكن كمان نحول دخولنا الحمام- أعزكم الله - والأكل والشرب والنوم إلى عبادة بالنية :
إنها كلها حاجات بتعينا وتقوينا على طاعة ربنا سبحانه وتعالى وتجعلنا بصحة كويسة .. والمؤمن القوى أحب إلى الله

إيه رأيكو لو نقعد الأسبوع ده كل واحد يدور ويزاكر وكل واحد يمسك حاجة معينة يطلعلنا أكبر قدر من النوايا فى الحاجة دى ممكن ننويها وربنا يكتبلو الثواااب و الاجر ان شاء الله

يعنى حد مثلا يكتبلنا النوايا اللى ممكن ناخدها لما نيى نصلى.. وحد يكتبلنا نواياالصيام .. وحد تانى نوايا الذهاب للمسجد مثلا ( قبل درس يوم الحد )


هستنى مشاركاتكوو

أ صلاة الضحى

- أوصانى خليلى صلى الله عليه وسلم : بصيام 3 أيام من كل شهر و ركعتى الضحى و أن أوتر قبل ان انام .

فضائل صلاة الضحى :

1- بها نكون من الأوابين : " لا يحافظ على صلاة الضحى إلا أواب .

2- قال االله عزوجل : " يا ابن آدم صلى لى أربع ركعات من أول النهار أكفك آخره " .

3- بها يؤدى العبد حقوق الصدقات عن أعضائه :" يصبح على كل سلامى - أى عضو - من أحدكم صدقة ، فكل تسبيحة صدقة وكل تحميدة صدقة وكل تهليلة صدقة وكل تكبيرة صدقة ،وأمر بالمعروف صدقة ونهى عن المنكر صدقة ويجزئ من كل ذلك ركعتان يركعهما من الضحى " .